Həmas: "Tərksilahı qəbul etmərik"

Fələstinin İslam Müqavimət Hərəkatını (Həmas) siyasi bürosunun sədri Xalid Məşəl hərəkatın tərksilah olunmasının mümkünsüz olduğunu söyləyib.

Ölkə.Az xəbər verir ki, Qətarın paytaxtı Dohada Dünya Müsəlman Alimlər Birliyi tərəfindən təşkil edilən "Qəzza zəfəri" adlı yığıncaqda danışan X. Məşəl bildirib ki, sülh danışıqlarında müqavimətin tərksilah edilməsi kimi təklifləri əsla qəbul etməyəcəklərini ifadə edib. 

Qəzzada atəşkəsin olmasını dəstəkləyəcəklərini ifadə edən Məşəl Qəzzanın abadlığı, xalqın rifahı və azad yaşamasını təmin etmək üçün razılığa hazır olduqlarını, lakin müqavimət hərəkatının silahı buraxması təklifini qətiyyətlə qəbul etməyəcəklərini bildirib.