Almanlar Krıma daxil oldu
"Ocean Majesty" gəmisinin 500 sərnişini Yaltada bir gün keçiriblər
Ölkə.Az Lenta.ru-ya istinadən xəbər verir ki, NDR-ın yaydığına görə, alman turistləri Krıma səfər ediblər.
17 sentyabrda yunan şirkətinə məxsus, lakin Almaniyanın "Hansa Touristik" tur operatoruna istifadəyə verilmiş gəmi Yalta limanına daxil olub. Bununla almanlar Krımın Rusiyaya ilhaq edilməsini tanımayan Avropa İttifaqının qərarını pozublar.
Bu vaxt ərzində alman turistləri şəhəri gəzməkdən əlavə həm də yarımada daxilində səfərlər ediblər.
Tur operatoru məsələ ilə bağlı heç bir açıqlama verməyib.
Xatırladaq ki, Krım və Sevastopolun Rusiyanın tərkibinə qatılmasına etiraz olaraq bir sıra ölkələr RF-a qarşı sanksiyalar tətbiq edərək gəmilərin də yarımadalara daxil olmasını qadağan ediblər. Qaydanı pozanları isə "qara siyahı" gözləyir.
Rəşid Mustafazadə
Ölkə.Az
