MDB-nin müşahidəçi missiyası: “Azərbaycanda prezident seçkilərində qanun pozuntusu olmayıb”
MDB müşahidəçi missiyası qərargahının rəhbəri Yevgeniy Sloboda Azərbaycanda keçirilən prezident seçkiləri ilə bağlı açıqlama verib.
“Ölkə.Az” xəbər verir ki, Yevgeninin açıqlamasına əsasən, müşahidəçilər seçkilərdə ciddi qanun pozuntusu qeydə almayıblar.
“MDB müşahidəçiləri ölkənin bütün rayon və şəhərlərindədirlər. Heç bir ciddi qanun pozuntusu qeydə alınmayıb”, - deyə Sloboda bildirib.
Onun sözlərinə əsasən, səsvermə aktiv, mütəşəkkil və sakit şəraitdə, ölkə qanunvericiliyinə uyğun şəkildə keçirilir. Heç bir şikayət daxil olmayıb.
Hikmət Həsənov
Ölkə.Az
