Nursultan Nazarbayev: “Qardaş Azərbaycan xalqına sülh və firavanlıq arzulayıram”
Qazaxıstanın prezidenti Nursultan Nazarbayev Azərbaycan prezidenti İlham Əliyevi təbrik edib.
“Ölkə.Az” xəbər verir ki, Nazarbayev təbrik məktubunda İlham Əliyevi yenidən prezident seçilməsi münasibətilə təbrik edib.
"Baş tutan seçkilərdə qazandığınız qələbə xalqın Sizin vətəndaşların rifahının yaxşılaşdırılmasına və beynəlxalq arenada ölkənin nüfuzunun möhkəmlənməsinə yönəlmiş yürütdüyünüz siyasəti dəstəklədiyini sübut edir.
İlham Əliyev dostluq və etimad əsasında Azərbaycan və Qazaxıstan arasında əlaqələrin möhkəmlənməsinə böyük töhfə verir.
Əminəm ki, iki ölkə arasında mövcud strateji əməkdaşlıq xalqımızın işıqlı gələcəyi naminə dinamik inkişaf etməkdə davam edəcək", - təbrik mətnində deyilir.
Sonda Qazaxıstanın dövlət başçısı qardaş Azərbaycan xalqına sülh və firavanlıq arzulayıb.
Hikmət Həsənov
Ölkə.Az
