Jirinovski Poroşenkoya inanmır: "Hardadır o? Göstərin!"
Rusiyanın Liberal-Demokratlar partiyasının sədri Vladimir Jirinovskiy Poroşenkonun oğlunun könüllü şəkildə döyüşməsinə inanmadığını dilə gətirib.
Ölkə.Az xəbər verir ki, Jirinovski Poroşenkonun fikirlərinə şübhə ilə yanaşdığını bildirib.
"Hardadır o? Göstərin! Britaniya şahzadəsi öz vaxtında heç kəsdən gizlənmirdi", - deyə Jirinovski öz şəxsi Tvitter hesabında yazıb.
Aleksey Poroşenkonun cəbhədə olmasına qondarma Donetsk respublikasında da inanmırlar.
"Bu çox güman ki piar addımlardan biridir", - deyə mətbuat xidmətindən bildiriblər.
Xatırladaq ki, Prezident Pyotr Poroşenko iddia edib ki, onun oğlu Ukraynanın şərqində münaqişə zonasında artilleriya qoşunlarında xidmət edir.
Qeyd edək ki, Pyotr Poroşenkonun Aleksey (1985) və Mixail (2001) adlı iki oğlu var.
Rəşid Mustafazadə
Ölkə.Az
