ABŞ: "Rusiya artıq məğlub oldu"

Ölkə.Az Unian-a istinadən xəbər verir ki, rəsmi ABŞ-ın fikrincə dünən Avropa Parlamenti və Ali Radada qəbul olunan ratifikasiya Rusiya Federasiyasının məğlubiyyətinin əyani sübutudur.

Bu barədə ABŞ dövlət departamentinin nümayəndəsi Mari Harf Vaşinqtonda keçirilmiş brifinqdə danışıb.Mari Qarf qeyd edib ki, Rusiya asossiasiya haqqında ratifikasiyanın həyata keçirilməməsi üçün çalışırdı.

"Lakin indi bu sənəd təkcə Ukrayna tərəfindən ratifikasiya edilməklə yanaşı həm də Rusiyanı kənar aləmdən daha çox təcrid edib. 

Bu səbəbdən bu daha çox ikili məğlubiyyət strateqiyasına bənzəyir"- deyə Mari Harf söyləyib.

Eyni zamanda, Mari Harf ayrıca olaraq ukraynalıları ratifikasiya münasibətilə təbrik edərək tarixi gün adlandırıb. 

Xatırladaq ki,  335 deputatın lehinə səs verdiyi saziş təxminən eyni saatlarda Avropa Parlamentində də tam heyətlə dəstəklənib. 

Səsvermədən əvvəl parlamentin tribunasından deputatlara müraciət edən Ukrayna prezidenti Petro Poroşenko avrointeqrasiyanın ölkədə milli ideyaya çevrildiyini bildirib: 

“Bugünkü sinxron ratifikasiya təkcə Ukrayna üçün yox, bütün birləşmiş Avropa üçün bayramdır. Ona görə ki, Ukraynasız vahid Avropa ola bilməz. Mən elə bu zaldaca ratifikasiya sənədinə imza atacağam. Mən hökumətə artıq sabahdan bu sazişin yerinə yetirilməsinə dair planı təsdiqləməyi tapşırıram”.