Dmitriy Roqozin Bakıda

Rusiya Federasiyasının baş nazir müavini Dmitriy Roqozin Azərbaycana gəlib

Ölkə.Az xəbər verir ki, iki günlük səfər çərçivəsində ölkə prezidenti İlham Əliyevin Roqozini qəbul edəcəyi gözlənilir.

Dmitriy Roqozin iqtisadi əməkdaşlıq üzrə azərbaycan-rus parlamentlərarası komitənin görüşündə iştirak edib.

"2013-cü ilin yekunlarına əsasən, baxmayaraq ki, dünya bazarlarında vəziyyət o qədər də yaxşı olmayıb, ölkələrimiz arasında əmtəə dövriyyəsi tarixi maksimuma - 3,6 mlrd dollara çatmışdı. Bu 2012-ci ilə nisbətdə 5 % artım deməkdir." - deyə Roqozin bildirib.

Onun sözlərinə görə, Rusiyanın əsas məqsədlərindən biri Rusiya və Azərbaycan əmtəə bazarlarını tarazlaşdırmaqdır.

Baş nazir müavini dəqiqləşdirərək vurğulayıb ki, söhbət təkcə Rusiyann yox, həm də Azərbaycan bazarından gedir.

"Azərbaycan istehsalı olan mallara Rusiya bazarlarında tələbatın artması sizdə də qiymətlərin artmasına gətirib çıxara bilər. Uğur baş gicəlləndirə bilər. Sizin əhaliyə ziyanın dəyməməsi üçün bizlər daha təmkinli olmalıyıq." - deyə Roqozin əlavə edib.

Rusiya heyətinin başçısı qeyd edib ki, azərbaycan kənd təsərrüfatı məhsullarının Rusiya bazarlarına çıxarılmasına imkan var.

Rəşid Mustafazadə

Ölkə.Az