Sumqayıt sakinlərinə bunu qadağan etdilər

Bu dəfə Sumqayıtda.

Ölkə.Az Baku.ws saytına istinadən xəbər verir ki, Sumqayıt sakinlərinə balkondan paltar asmağı qadağan edilib. Şəhər sakinləri bildirib ki, müvafiq göstəriş Sumqayıt şəhəri İcra hakimiyyətinin başçısı Eldar Əzizov tərəfindən verilib.

Qadağa balkonları yolun olduğu küçəyə olan mənzillərə aiddir. Bu addım şəhərin görkəminin korlanmaması üçün atılıb. Sözügedən qadağaya əməl olunmasına Mənzil Kommunal və Texniki Xidmət Sahəsi nəzarət edəcək.

Qeyd edək ki, balkonlardan paltar asmağa qadağa bundan əvvəl Naxçıvanda da tətbiq edilib. Orada da yerli hakimiyyət orqanları balkondan paltar asılmasının şəhərin görkəmini korladığını bildirirdi. Bundan sonra isə Daşkənd meriyası Özbəkistan paytaxtının sakinlərinə evlərinin balkonundan paltar asmağı qadağan etmişdi.

Ölkə.Az