Sərdar Cəlaloğlu: "Dünya təcrübəsində soyqırım mövzusu o qədər də populyar deyil"

"Məncə, son illər soyqırım mövzusunda kifayət qədər təbliğat işləri aparılıb"

Beynəlxalq təşkilatların azərbaycanlıların məruz qaldığı soyqırım faktlarına laqeyd yanaşma səbəblərindən bu dəfə Ölkə.az-a siyasətçi Sərdar Cəlaloğlu danışıb.

"Bütünlükdə dünya təcrübəsində soyqırım mövzusu o qədər də məhşur deyil. Ona görə də bu mövzuların müzakirəsi və təbliğinə bir o qədər də yer verilmir. Əslində, dünyanın bu mövzuya laqeyd yanaşmasına səbəb sadəcə budur və nəticədə dünya bu hadisələrə bu cür yanaşır. Amma mənim fikrimcə, son illər soyqırım mövzusunda kifayət qədər təbliğat işləri aparılıb. Bu sahədə görülən işlər kifayət qədərdir".

Qeyd edək ki, bu gün parlamentin iclasında spiker Oqtay Əsədov beynəlxalq təşkilatları azərbaycanlıların soyqırımı faktlarına laqeyd yanaşmaqda ittiham edib.

Spiker çıxışında beynəlxalq təşkilatların azərbaycanlıların məruz qaldığı soyqırım faktlarına laqeyd yanaşdığını və artıq onlardan nəsə gözləməyin mənasız olduğunu bildirib.

Fatimə İbrahimova

Ölkə.az