Amerikalı səfir Qarabağdan danışdı
"Qarabağ münaqişəsinin hərbi həlli yoxdur"
Bu sözləri ABŞ-ın Ermənistandakı səfiri Con Heffern deyib. Səfir Qarabağ münaqişəsinin tərəflərini zorakılıqdan çəkinməyə çağırıb.
O bildirib ki, zorakılıq münaqişənin sülh yolu ilə nizama salınmasını çətinləşdirəcək:
"Biz son hadisələr nəticəsində həlak olmuş insanların və yaralananların ailələrinə səbr diləyirik. Ceyms Uorlik də Qarabağın dondurulmuş münaqişə olmadığını deyib. Biz həm burda, həm də Bakıda tərəfləri gərginliyin azalması və barışığa hörmət edilməsi üçün lazımlı addımlar atmağa çağırırıq. Təhdidlər və sərt ritorika bu işə kömək etmir. Tərəfləri ciddi danışıqlara başlamağa çağırırıq. Ən yaxşısı həlak olanların xatirəsinə hörmət etmək üçün bu toqquşmaları dayandırmaq lazımdır", - deyə səfir bildirib./Anspress/
Ölkə.Az
