AMİP sədri: “Partiya mənsubiyyətimə görə siyasi məhbus hesab olunmamalıyam”

Haqqımızda deyilənlər və yazılanlarla razı deyiləm”. Bunu Azərbaycan Milli İstiqlal Partiyasının (AMİP) sədri Yusif Bağırzadə son günlər həbs olunanlarla bağlı müxalifət partiyalarının keçirdiyi iclaslarda iştirak etməmələrinin səbəbini açıqlayarkən deyib. Onun sözlərinə görə, həbs olunan hər bir şəxsi siyasi məhbus kimi göstərmək doğru deyil:

“Ona görə biz bu məsələlərdən kənardayıq. Biz siyasi həyatda varıq, amma hər şeyi də siyasiləşdirmək doğru deyil. Mənim həyatımın bir hissəsi siyasidir. Mən daha çox vətəndaşam. Mən də hər hansı bir hadisə törədə bilərəm, ancaq partiya mənsubiyyətimə görə siyasi məhbus hesab olunmamalıyam”.

Y.Bağırzadə onu da qeyd edib ki, onlar hər iclasa qatıla bilməzlər: “Biz kiminsə qarşısında öhdəlik götürməmişik ki, hər iclasda iştirak etməliyik. İclaslar olan günü məlumat vermişdim ki, yas yerindəyəm, şəhərdən kənardayam. Bundan başqa, həbslərlə bağlı məhkəmənin qərarı olmalıdır, onların vəkilləri var. Bu məsələ ilə onlar məşğul olmalıdırlar”./Modern.az/