Zahid Oruc: "Hər hadisədə Rusiyanı mənfi göstərməyimiz bizim ziyanımızadır"

Türkiyə, Gürcüstan və Azərbaycan müdafiə nazirlərinin Naxçıvanda keçirilən görüşünün bölgədə gedən prosseslər üçün nə qədər əhəmiyyətlidir? İlk dəfə keçirilən bu görüş Ermənistana mesajdır?

Bu məsələni hərbi ekspert Üzeyir Cəfərov, Millət vəkilləri Fazil Mustafa və Zahid Oruc Ölkə.az-a şərh etdilər.

Üzeyir Cəfərov: "Müdafiə nazirlərinin görüşü çoxdan planlaşdırılıb. Burda ekstra heç nə baş verməyib. Hal-hazırda enerji strukturunun təhlükəsizliyi məsələsi müzakirə ediləcək. Ancaq sonra üç dövlət sülhməramlı birlik yarada bilər və onların sülhməramlı prosseslərdə iştirakı mümkündür və müzakirə mövzusudur. Gələcəkdə bura türkdilli dövlətlərin də qoşulacağı gözləniləndir. Bu görüş çox faydalı olacaq".

Fazil Mustafa: "Üç ölkənin müdafiə nazirlərinin xüsusi ilə Naxçıvanda görüşməsi çox yaxşı bir haldır. Naxçıvan strateji bir yerdə yerləşir. Bu baxımdan tədbirin də Naxçıvanda keçirilməsi xüsusi əhəmiyyə kəsb edir. Bu görüş həm Azərbacan həm də bütövlükdə bölgə üçün əhəmiyyətlidir".

Zahid Oruc: "Son dövrlər regionda gərginləşən şəraiti göz önünə almaq lazımdır. Son itkilər, atışmaların intensivliyinin daha da genişlənməsi və İlham Əliyevin İkinci Qarabağ savaşının başlana biləcəyinə işarə etməsi də bunu sübuta yetirir. İkinci Qarabağ müharibəsi Ermənistan Azərbaycan müharibəsi olmayacaq. Çünki regionda nəhəng iqtisadi inforstruktur qurulub, transmilli layihələr gerçəkləşdirilib. Gürcüstan, Azərbaycan, Türkiyə bu prosesə iqtisadi, sosial və siyasi səbəblərdən qatıla bilər. Naxçıvan bundan əvvəl də, Türk dövlət başçılarının görüşdüyü ünvana çevrilib. İlham Əliyev Naxçıvanı siyasi mərkəzə çevirməkdədəir və bu da Naxçıvanın təhlükəsizliyinə müsbət təsir göstərməkdədir.Bu görüşün Rusiyaya mesaj kimi qələmə verilməsi düzgün deyil. Hər hadisədə Rusiyanı mənfi göstərməyimiz bizim ziyanımızadır və Ermənistanın xeyrinədir. Rusiyanı hər bir halda Ermənistanın yanında göstərməyin əleyhinəyəm. Naxçıvanda müdaiə nazirlərinin görüşünün Rusiyaya qarşı olduğunu iddia etmək bizim strateji maraqlarımıza uyğun deyil. Biz Rusiya və Türkiyə əlaqələrinin daha yaxşı olmasını istməliyik. Məsələnin çox da qabardılmasının əleyhinəyəm yoxsa, bu görüşü Ermənistanın əleyhinə dəyərləndirərdim".

Səxavət Məmməd

Ölkə.az