Çexiya vətəndaşlarını Qarabağa getməməyə çağırır
"Dağlıq Qarabağa gedən turistlərin həyatına təhlükə yaranarsa, biz heç nə edə bilməyəcəyik"
Çexiya Xarici İşlər Nazirliyi vətəndaşlarını Dağlıq Qarabağ və Ermənistanın Tavuş, Gexarkunik (Göyçə mahalı) vilayətlərinə getməməyi tövsiyə edib.
Çexiya XİN bildirir ki, Ermənistana gedən turistlər əsasən Tiflis-İrəvan magistral yolundan istifadə edir. Bu zaman turistlər İrəvandan Azərbaycan-Ermənistan sərhədinə yaxın ərazidən keçir.
Çexiya XİN vətəndaşlarını məcbur olmadıqca bu yoldan istifadə etməməyə çağırıb.
XİN eyni zamanda bəyan edib ki, Dağlıq Qarabağa getmiş turistlərin həyatına təhlükə yaranarsa, Çexiyanın nə Bakıdakı, nə də İrəvandakı səfirliyi heç bir köməklik edə bilməyəcək./anspress/
Ölkə.Az
