Avropalı müdafiə naziri Bakıya gəlir

Serbiya müdafiə naziri Bratislav Qaşiç Azərbaycana rəsmi səfərə gələcək.

Müdafiə Nazirliyinin mətbuat xidmətindən Ölkə.Az-a verilən məlumata görə, səfər avqustun 11-də baş tutacaq.

Səfər çərçivəsində qonağın Müdafiə Nazirliyində görüşü planlaşdırılır.

B.Qaşiçin rəhbərlik etdiyi nümayəndə heyətinin Silahlı Qüvvələrin Hərbi Akademiyası və Silahlı Qüvvələrin Təlim və Tədris Mərkəzi ilə tanışlığı gözlənilir.

Səfər avqustun 13-dək davam edəcək.

Ölkə.Az