Serj Sarkisyan Putinlə görüşmək üçün Soçiyə gedir
Erməni tərəfi Rusiya, Ermənistan və Azərbaycan prezidentlərinin üçtərəfli görüşündə iştirak etməyə hazır olduğunu bildirib
Avqustun 8-də Ermənistan prezidenti Serj Sarkisyan Rusiya Federasiyasının Soçi şəhərinə işgüzar səfərə yollanacaq. Avqustun 9-da S. Sarkisyanın Rusiya prezidenti Vladimir Putinlə görüşü keçiriləcək.
Erməni tərəfi Dağlıq Qarabağ probleminin sülh yolu ilə həlli yollarının müzakirəsi üçün Rusiya, Ermənistan və Azərbaycan prezidentlərinin üçtərəfli görüşündə iştirak etməyə hazır olduğunu bildirib.
Xatırladaq ki, daha əvvəl yayılan xəbərlərə əsasən V. Putin Azərbaycan və Ermənistan prezidentləri ilə ayrı-ayrılıqda görüş keçirəcək və Dağlıq Qarabağ münaqişəsinin həllini müzakirə edəcək./Apa/
Ölkə.Az
