Millət vəkili: "AXCP-də Əli Kərimli və bir-iki nəfərdən başqa heç kim qalmayacaq"
"Belə bir partiyanın demokratik cəmiyyətdə yaşaması mümkün deyil"
"Bu gün AXCP dövlətimizin möhkəmlənməsinə xidmət edən bütün proseslərdən kənardadır. Buna iqtidar müxalifət dialoqunu da nümunə gətirmək olar. Belə bir partiyanın demokratik cəmiyyətdə yaşaması mümkün deyil".
Bu sözləri Ölkə.az-a danışan millət vəkili Fəzail Ağamalı AXCP-də baş verən son hadisələri şərh edərkən deyib.
"AXCP bu gün cəmiyyətdə nüfuzu olmayan, Bakıda yerləşən kiçik bir ofis partiyasına çevrilib. Bütün bunlar isə gözlənilən idi. Mən tamamilə əminəm ki, yaxın zaman kəsiyində AXCP-də bir Əli Kərimli və bir-iki nəfərdən başqa heç kim qalmayacaq. Partiya artıq tükənib, çünki AXCP inkarçı mövqeyini tutmaqda davam edir. O, bir çox hallarda Azərbaycanın dövlət və milli maraqlarını öz ambisiyalarına tabe etdirməyə cəhdlər göstərir.
Bu gün AXCP dövlətimizin möhkəmlənməsinə xidmət edən bütün proseslərdən kənardadır. Buna iqtidar müxalifət dialoqunu da nümunə gətirmək olar. Belə bir partiyanın demokratik cəmiyyətdə yaşaması mümkün deyil".
Qeyd edək ki, dünən AXCP sədri Əli Kərimli Razi Nurullayevi müavin vəzifəsindən azad etdiyini bildirsə də, R. Nurullayev partiyadan istefa verdiyini bəyan etmişdi. Bununla yanaşı o, Ə. Kərimlini partiyada avtoritar idarəçilik qurduğuna, cəbhəçilərin inamından sui-istifadə etməsinə görə ittiham da edib.
Fatimə İbrahimova
Ölkə.az
