"Rəsmi Vaşinqtonun etdiyi çağırış girovların qaytarılması prosesinə təsirsiz ötüşməyəcək"

"Dünənə qədər bu məsələdə biganəlik göstərən bir dövlətin anidən buna diqqət göstərməsi irəliləyişdir"

Bu sözləri Ölkə.az-a danışan millət vəkili Fərəc Quliyev ABŞ Dövlət Departamentinin sözçüsü Cen Psakinin fikirlərini şərh edərkən deyib.

"Arada Amerika-Azərbaycan münasibətlərində çat yaranma tendensiyası var idi. Amma bütün bunlara rəğmən Amerika rəsmisinin Bakıya gəlişindən sonra belə bir fikrin yaranması ermənilərin mövqelərinin zəifləməsi anlamına gəldi. Xüsusən də saxta erməni "soyqrımı" ərəfəsində belə bir bəyanatın verilməsi Azərbaycan həqiqətlərinin daha üstün vəziyyətdə olmağına işarədir.

Mən güman edirəm ki, Rəsmi Vaşinqtonun etdiyi çağırış girovların qaytarılmasında təsirsiz ötüşməyəcək".

Qeyd edək ki, ABŞ Dövlət Departamentinin sözçüsü Cen Psaki azərbaycanlı girovlar Şahbaz Quliyev və Dilqəm Əsgərovdan danışarkən girovların qaytarılmasını dəstəklədiklərini bildirib.

Fatimə İbrahimova
Ölkə.az