"7-8 ildən sonra Ermənistanda depopulyasiya prosesi başlayacaq"
Bunu “Ölkə.Az”a açıqlamasında deputat Mirkazım Kazımov deyib.
Onun sözlərinə görə, Ermənistan yürütdüyü işğalçılıq siyasət nəticəsində üzləşdiyi ciddi sosial-iqtisadi böhran demoqrafik vəziyyətə də öz mənfi təsirini göstərib. “Ağır sosial-iqtisadi vəziyyət, işsizlik, ölkənin gələcəyinə olan inamsızlıq, digər tərəfdən ölkənin işğalçılıq siyasəti nəticəsində gündə övladı ölən erməni ailələri vəziyyətdən çıxış yolu kimi ölkəni tərk etməkdə görürlər. Bunun nəticəsidir ki, hər il ölkəni on minlərlə insan tərk edir və ölkədən çıxanların böyük əksəriyyəti geri dönmür. Ona görə də Paşinyanın 2050-ci ildə Ermənistan əhalisinin 5 milyona çatdırılması ilə bağlı dediklərinin heç bir ciddi əsası yoxdur”- deputat bildirib.
M. Kazımov əlavə edib ki, heç uzağa getmədən erməni rəsmilərinin və ekspertlərinin səsələndirdiyi fikiləri sadlamaqla Paşinyanın fikirlərini alt-üst etmək olar.”Birincisi, Dünya Bankının Ermənistan Statisika Komitəsinin nəticələrinə əsalanan göstəricilərinə görə, 1991-ci ildə Ermənistan əhalisinin sayının 3,505 258 nəfər olmasına baxmayaraq, 2018-ci ildə 2,951 776 nəfərə enib. Rəsmi statistikaya görə azalmanın təxminən 17 % olduğu söylənsə də, real göstəricilər bundan daha da vahiməlidir. Beləliklə, 1991-2018-ci illərin “qeyri-real” statisitikası belə, demoqrafik vəziyyətlə bağlı əhalinin sayında ciddi artımın baş verməyəcəyini göstərir.
Dünya əhalisinin mümkün inkişaf istiqamətləri haqda BMT və digər beynəlxalq təşkilatların açıqladıqları hesabatlar da strateji sənəddə qeyd edilən hədəfin gerçəkləşməsinin mümkün olmayacağını təsdiqləyir. Belə ki, BMT-nin İqtisadi və Sosial Münasibətlər departameninin əhali bölgüsü haqda açıqlamasına görə, 2050-ci ildə Ermənistan əhalisinin sayı orta proqnozlara əsasən, 2,397 min, ən optimist halda isə 3 milyon ərafında ola bilər.
Ermənistan rəsmilərinin və ekspertlərin ölkədədki demoqrafik vəziyyətlə bağlı səsləndirdiyi rəqəmlər də beynəlxalq qurumların proqnozları ilə üst-üstə düşür. Yəni, Ermənistanda demoqrafik vəziyyət pisləşəcək. Ermənistan səhiyyə naziri Arsen Torosyan öz "Facebook" səhifəsində qeyd edib ki, 2019-cu ildə doğum səviyyəsi 2018-ci illə müqayisədə aşağı enib. Erməni nazir bildirib ki, son illərdə doğumun ilbəil azalması geriyədönməz bir proses alıb. O qeyd edib ki, proqnozlar qarşıdakı illərdə uşaq doğumunun azalmasını göstərir. “2018-ci ildə dünyaya gələn uşaqların sayı 2017-ci ildə dünyaya gələn uşaqlarla müqayisədə 4,9 % azdır”.
Demoqraf Artak Markoryan isə 2018-ci ildə Ermənistan əhalisi 7600 nəfər azalmaqla 2 mln. 965 min nəfər təşkil edib. Ekspert deyib ki, son 10-12 il ərzində doğum səviyyəsi azalır, ölüm sayı isə artır. Məsələn, 2018-ci ildə 2017-ci illə müqayisədə 1200 uşaq az doğulub. Proses belə davam edərsə, 7-8 ildən sonra Ermənistanda depopulyasiya prosesi başlayacaq. Yəni ölüm halı doğumu üstələyəcək. Bu deyilənlər bir daha sübut edir ki, Paşinyanın bəyanatı populizmdən başqa bir şey deyil”- deputat bildirib.
Deputatın fikrincə, Ermənistanda demoqrafik vəziyyətin pisləşməsinə ən ciddi təsir edən amil, onun yürütdüyü işğal siyasətidir. “Çünki işğal siyasəti nəticəsində Ermənistan ağır sosial-iqtisadi vəziyyətlə üzləşib. Ermənistan iqtisadiyyatı bölgə iqtisadiyyatı ilə inteqrasiya oluna bilməyib. Digər tərəfdən də mütəmadi olaarq cəbhə xəttində atəşkəsin pozulması nəticəsində ailələrə tabutlaırn getməsi demoqrafik vəziyyətə mənfi təsir göstərir. Əgər Ermənistan işğalçılıq siyasətindən əl çəkib, işağl etdiyi Azərbaycan torpaqlarından çıxarsa, o zaman vəziyyət bütün istiqamətlərdə müsbət istiqamətdə dəyişiklik olar. O zaman həm Ermənistan iqtisadiyyatı inkişaf edər, həm də demoqrafik vəziyyətdə Paşinyanın dediyi kimi olmasa da, azacıq da olsa müsbətə doğru dəyişiklik ola bilər”- M. Kazımov deyib.
Mürtəza
Ölkə.Az
