Millət Vəkili: "Boris Nemtsov Putin üçün ciddi siyasi rəqib deyildi"
"Bu qətl 3-cü şəxslərin əli ilə törədilə bilər"
"Boris Nemtsov Rusiyada fərqli mövqeyi ilə fərqlənən siyasətçi idi. Onun qətlə yetirilməsində Putinin nə dərəcədə yer alması mübahisəli məsələdir. Düşünmürəm ki, Putin buna getsin".
Bu sözləri Ölkə.Az-a danışan millət vəkili Fəzail Ağamalı Boris Nemtsovun qətlini şərh edərkən deyib.
"Çünki Putin hazırda kifayət qədər böyük reytinqə sahibdir. Onsuz da Putin Boris Nemtsovu özünə siyasi rəqib hesab etmirdi.
Məncə də, Boris Nemtsov Putin üçün ciddi siyasi rəqib deyildi.
Bu qətl 3-cü şəxslərin əli ilə törədilə bilər. Məqsəd isə ola bilsin Rusiyada qarışıqlıq salmaqdır. Bu hadisələrin bundan sonra da Rusiyanın həyatında yer alacağını düşünürəm.
Qeyd edək ki, Rusiyanın tanınmış siyasətçisi Boris Nemtsov dünən gecə radələrində Moskvanın mərkəzi küçəsində sui-qəsd nəticəsində qətlə yetirilib.
Fatimə İbrahimova
Ölkə.az
