Əli Həsənov Çin Kommunist Partiyası Katibliyinin üzvü ilə görüşdü

ÇKP YAP ilə əməkdaşlığı dərinləşdirmək niyyətindədir.

Çin Kommunist Partiyası Mərkəzi Komitəsi Katibliyinin üzvü, ÇXSMŞ ÜK-nin (Çin Xalq Siyasi Məşvərət Şurasının Ümumçin Komitəsi) sədr müavini Du Tsinlin çərşənbə axşamı Pekində Azərbaycan prezidentinin köməkçisi, hakim “Yeni Azərbaycan” Partiyasının (YAP) üzvü Əli Həsənovla görüşüb.

Görüşdə Du Tsinlin partiyalararası əlaqələrin Çin və Azərbaycan arasında münasibətlərin vacib tərkib hissəsi olduğunu bildirib.

ÇKP YAP ilə əməkdaşlığı dərinləşdirmək, iki ölkə arasında münasibətlərin inkişafını stimullaşdırmaq niyyətindədir.

Öz növbəsində Əli Həsənov qeyd edib ki, Azərbaycan tərəfi Çinin İpək yolu iqtisadi xəttinin yaradılması təşəbbüsünü dəstəkləyir, həmçinin ÇKP ilə dost münasibətlərini bundan sonra da inkişaf etdirməyə hazırdır./Oxu.az/

Ölkə.Az