Bu şəxslərin magistratura xərclərini dövlət ödəyəcək
“Ölkkə.Az” xəbər verir ki, məsələ Milli Məcliisn Elm və təhsil haqında komitəsinin bu gün keçirilən iclasında “Təhsil haqqında” qanuna dəyişikliyin müzakirəsi zamanı komitə sədri Bəxtiyar Əliyev deyib.
Onun sözlərinə görə, “Təhsil haqqında” qanuna əsasən müxtəlif təhsil sahələri var və nəzərdə tutulan dəyişiklik növündən, tipindən asılı olmayaraq bütün tip ali məktəblərə şamil olunacaq. “Beləliklə Azərbaycan hökuməti valideynlərini itirmiş, yaxud valideyn himayəsindən məhrum olmuş tələbələrin magistratura xərclərini öz üzərinə götürəcək. Bu xərclər dövlət büdcəsindən ödəniləcək.”- komitə sədri deyib.
O əlavə edib ki, bu dəyişiklik ölkə başçısının təhsil sahəsində həyata keçirdiyi islahatların məntiqi nəticəsidir.
Dəyişikliyə əsasən valideynlərini itirmiş, yaxud valideyn himayəsindən məhrum olmuş bakalavr və magistratura pilləsində təhsil alan tələbələrin təhsil xərclərini dövlət öz üzərinə götürəcək
Mürtəza
Ölkə.Az