Fransa prezidenti Bakıya gələcək

“Fransa bu istiqamətdə səylərini davam etdirəcək”.

Fransa prezidenti Fransua Olland aprel ayının sonunda Cənubi Qafqaz turnesinə çıxacaq və səfər çərçivəsində Azərbaycan və Ermənistan prezidentləri ilə Dağlıq Qarabağ nizamlamasını müzakirə edəcək.

Bu barədə cümə günü Fransanın Avropa işləri üzrə dövlət katibi Arlem Dezir bildirib.

“Paris Dağlıq Qarabağ münaqişəsinin nizamlanması və regionda öz müqddəratını təyinetmə hüququnun qorunması üçün əlindən gələni edəcək”, - deyə, Dezira bildirib.

Diplomat hazırkı status-kvonun nə Azərbaycan, nə də Ermənistanın maraqlarına cavab vermədiyini bildirib.

“Buna görə də, respublika prezidenti diplomatik təşəbbüslərin bərpasına yardım etmək üçün 27 oktyabr 2014-cüildə Ermənistan və Azərbaycan prezidentlərinin (Serj Sarkisyan və İlham Əliyev) iştirakı ilə sammit keçirdi. Həmin görüşdə ilk humanitar addım – itkin düşənlər barədə informasiya mübadiləsi haqqında razılıq əldə olundu”, - deyə, Arlem Dezir xatırladıb.

“Son aylar gərginliyin artması bu prinsiplərin həyata keçirilməsinə kəskin zərurətin olduğunu göstərir. Buna görə də, Fransa bu istiqamətdə səylərini fəal surətdə davam etdirəcək”, - deyə, o, vurğulayıb./Oxu.az/

Ölkə.Az