"Müsavatçıların 5 aprel mitinqində iştirakı sərbəstdir"
"Müsavatçıların 5 aprel "Məhsul" stadionunda Milli Şuranın təyin etdiyi mitinqinə qatılması sərbəstdir".
Milli Şuranın 5 aprel "Məhsul" stadionunda təyin etdiyi mitinqində "Müsavat" partiyasının iştirak edib-etməyəcəyi yenə sual altındadır.
Bu məsələyə Müsavat başqanının müavini Gülağa Aslanlı Ölkə.az-a verdiyi açıqlamasında aydınlıq gətirib.
Gülağa Aslanlı: "Müsavat partiyasının 5 aprel mitinqi ilə bağlı heç bir qərarı yoxdur. Müsavat partiyası üzvlərindən kim istəyirsə mitinqə qatıla bilər. Bu barədə partiya üzvlərimizə sərbəstlik verilib. Bizə müraciət olunmadığına görə rəhbərlik səviyyəsində mitinqdə iştirak etməyəcəyik. Müsavat partiyasının aprel ayında mitinqi nəzərdə tutulub. Bu məsələ partiyanın məclisinin növbəti toplantısında müzakirəyə çıxarılıb qərar verilə bilər".
Səxavət Məmməd
Ölkə.Az
