İlham Əliyev Putinə başsağlığı verdi
“Zərərçəkənlərin tezliklə sağalmalarını arzu edirəm”.
Ölkə.Az saytı bildirir ki, Azərbaycan prezidenti İlham Əliyev rusiyalı həmkarı Vladimir Putinə “Dalniy Vostok” traulerinin qəzaya uğraması nəticəsində insanların həlak olması ilə bağlı başsağlığı verib.
Başsağlığı məktubunda deyilir:
“Oxot dənizində “Dalniy Vostok” traulerinin qəzaya uğraması nəticəsində çoxsaylı insan tələfatı haqqında xəbər məni dərindən kədərləndirdi.
Azərbaycan xalqı adından və şəxsən öz adımdan Sizə, həlak olanların doğmalarına və yaxınlarına dərin hüznlə başsağlığı verir, zərərçəkənlərin tezliklə sağalmalarını arzu edirəm.
