Zakir Həsənov gürcü həmkarı ilə hərbi sahədə əməkdaşlığı müzakirə edib
Azərbaycanın və Gürcüstanın müdafiə nazirləri görüşüblər.
Müdafiə Nazirliyinin mətbuat xidmətindən Ölkə.Az-a bildiriblər ki, aprelin 2-də Azərbaycanın müdafiə naziri general-polkovnik Zakir Həsənovla Gürcüstanın müdafiə naziri Mindia Canelidze arasında ikitərəfli formatda görüş keçirilib.
Nümayəndə heyətlərinin iştirakı ilə keçirilən görüşdə ölkələrimiz arasında aparılan danışıqların və keçirilən görüşlərin strateji əhəmiyyəti vurğulanıb, hərbi sahədə əməkdaşlığın inkişafı, təcrübə mübadiləsi və kadr hazırlığı məsələlərinə xüsusi diqqət yetirilib.
Sonra tərəflər regiondakı hərbi-siyasi vəziyyət və qarşılıqlı maraq doğuran digər məsələlər ətrafında fikir mübadiləsi aparıblar.
