Rufiz Qonaqov: \"Ermənistan öz adı ilə çağrılmalıdır\"

"Azərbaycan öz torpaqlarını hansı yolla olursa-olsun tezliklə işğaldan azad etmək istəyir"

Dövlət başçısı İlham Əliyev və XİN hər zaman bəyan edib ki, Azərbaycan Dağlıq Qarabağ münaqişəsinin sülh yolu ilə həllinin tərəfdarıdır. Münaqişənin Azərbaycan ərazi bütövlüyü çərçivəsində həll olunmasının tərəfdarıdır. Bununla bağlı ATƏT-in MİNSK qrupunun indiyədək münaqişənin sülh yolu ilə nizama salınmasında heç bir təkliflərlə çıxış etməməsi təəssüf doğurur".

Bu sözləri Ölkə.az-a Beynəlxalq Münasibətlərin Araşdırılması Mərkəzinin sədri Rufiz Qonaqov deyib.

"Düşünürəm ki, ümumiyyətlə, Azərbaycanın sülh prosesinə ölkəmizin hazırlığı həmişə var. Azərbaycan öz torpaqlarını hansı yolla olursa-olsun tezliklə işğaldan azad etmək istəyir.
Bunun üçün ilk növbədə Ermənistan işğalçılıq siyasəti dünya birliyi tərəfindən birmənalı qaydada tanınmalıdır. Və Ermənistan öz adı ilə çağırılmalıdır. İlk növbədə dünya birliyi ikili standartlardan uzaq olmalıdır.

Çox təəssüflər olsun ki, indiyə qədər nə ATƏT-in MİNSK qrupu çərçivəsində, nə də başqa qrumlar tərəfindən Ermənistana qarşı bir addım atılmadı. Qətnamələrin hər biri yalnız kağız üzərində qaldı. Ermənistan cəzalanmayana qədər Azərbaycan torpaqlarını işğalda saxlamaqda davam edəcək.

O zaman Azərbaycanın müharibə yolu ilə torpaqlarını azad etməkdən başqa şansı qalmır".

Fatimə İbrahimova
Ölkə.az