Politoloq: "Vətəni sevməyən insanları xəyanətkar kimi dəyərləndirmək olar"
"Avropa oyunları təkcə böyük idman hadisəsi deyil, bu çox böyük siyasi əhəmiyyəti olan bir hadisədir. Və hesab edirəm ki, kimsə Azərbaycanda Avropa oyunlarının lazımsız hesab edib, dəyərini aşağı salmaq istəyirlərsə, onlar bu davranışları ilə eynən ermənilər kimi davranırlar".
Bu sözləri Ölkə.Az-a danışan politoloq Elman Nəsirov deyib.
"Əslində onlar özləri də bilmədən Azərbaycana qarşı müxtəlif təzyiq üsullarını, elementlərini işə salan anti-Azərbaycan qüvvələri əlində bir alətə çevrilirlər. Azərbaycanda beynəlxalq aləmdə nüfuzunun artmasına xidmət edən bir hadisəyə lazımsız bir hadisə kimi qiymət verən insanlar vətənlərini sevmməyən insanlardır. Vətəni sevməyən insanları isə xəyanətkar kimi dəyərləndirmək olar. Onlar kimlərin ki, əlində alətdirlərsə, o alətin sahibi də onlara rişxəndlə baxır və onlardan istifadə edirlər. İstifadədən sonra isə bir əlcək kimi tullayıb atacaqlar.
Azərbaycan xalqı müdrik xalqdır. Ona görə də, Avropa Oyunlarını lazımsız adlandıran insanlar yalnız özlərini gözdən salırlar. Belə fikirlər Azərbaycan heç bir rol oynamır".
Xatırladaq ki, Bakı 2015 Avropa Oyunları 2015-ci ilin iyununda, paytaxt Bakıda keçiriləcək. Bu, bir çox innovativ idman növünü özündə cəmləşdirən ilk Avropa oyunlarıdır. Oyunlar Avropanın 50 Milli Olimpiya Komitəsini birləşdirən Beynəlxalq Olimpiya Təşkilatı tərəfindən keçirilir. 12-28 iyun tarixləri arasında keçiriləcək Oyunlarda 50 ölkədən 20 idman növü üzrə 6000-dən çox idmançının yarışacağı gözlənilir.
Ölkə.Az
