Millət vəkili: \"Putinin qondarma soyqırımın 100 illiyində iştirakı gözlənilən idi\"

"Bu səfər Azərbaycan-Rusiya münasibətlərinə heç bir ciddi təsir göstərməyəcək"

"Rusiya ilə Ermənistan arasında fərqli münasibətlər mövcuddur. Ermənistan bütövlükdə Rusiyadan asılı vəziyyətdədir. Qafqaz ölkələri olaraq Azərbaycan və Gürcüstandan fərqli olaraq Rusiya Ermənistanda daha böyük təsirlərə malikdir. Demək olar ki, Rusiyanın siyasi həyatında da ermənilərin bu və ya digər formada təsiri var. Ona görə də, Rusiyanın prezidentinin qondarma soyqırımda iştirakı gözlənilən idi".

Bu sözləri Ölkə.az-a millət vəkili Fəzail Ağamalı deyib.

"Düşünürəm ki, bu səfər Azərbaycan-Rusiya münasibətlərinə heç bir ciddi təsir göstərməyəcək. Çünki bu, Rusiyanın öz seçimidir. Dünyanın aparıcı ölkələrindən ancaq Rusiya və Fransanın dövlət başçıları qondarma "soyqırımda" iştirak etmək niyyətindədirlər.

Hər-halda görünən budur ki, hər zaman olduğu kimi Rusiya bugün də Ermənistanın yanındadır. Biz sadəcə olaraq bundan nəticə çıxartmalı və münasibətlərimizdə bunları nəzərə almalıyıq".

Qeyd edək ki, Rusiya prezidenti Vladimir Putin uydurma “erməni soyqırımı”nın 100-cü ildönümünə həsr olunan tədbirlərdə iştirak etmək üçün aprelin 24-də Ermənistana səfər edəcək.

Fatimə İbrahimova
Ölkə.az