Qarabağda döyüşənlərlə bağlı orden və medallar təsis edilir

Milli Məclisin bu gün keçirilən plenar iclasında  “Vətən Müharibəsində qələbə münasibətilə” Azərbaycan Respublikasının orden və medallarının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında”  qanuna  və həmçinin  “Azərbaycan Respublikasının “Vətən Müharibəsi Qəhrəmanı” adının təsis edilməsi haqqında” qanuna dəyişiklik məsələsi müzakirə edilib.

Qanun layihəsi barədə məlumat verən Milli Məclis Sədrinin birinci müavini Əli Hüseynli bildirib ki, dünən təqdim edilmiş orden və medallarla bağlı qanun layihələrinə komitədə baxılıb: “Bütün orden medallar özündə biizm hərbi və milli atribitları əks etdirir. Hazırda Azərbaycanın 10 ordeni və 64 medalı var. Prezident tərəfində 2 orden və 15 yeni medal təklif edilib. 1 yeni adın verilməsi də təkliflər sırasındadır. Azərbaycan Respublikasının ən yksək təltifi Heydər Əliyev Ordenidir. İndi təklif edilir ikinci ən yüksək təltif Zəfər Ordeni olacaq. Növbəti Orden “Qarabağ” ordeni olacaq. Medallarla bağlı isə Vətən müharibəsi qəhrəmanı medalı xüsusi əhəmiyyət kəsb edir. Vətən Müharibəsi medalı Vətən müharibəsi adını fərqlənmə nişanıdır. Vətən müharibəsi Qəhrəmanı adı düşmən qüvvələrinin tam məğlun edilməsi üzrə qarşıya qoyulmuş döyüş tapşırıqlarını yetirməsinə görə veriləcək. Vətən müharibəsi qəhrəmanı adı almış şəxslər qanunla müəyyən edilmiş güzəştlərdən istifadə edəcək. Və bu sonrakı qanun layihələrində əksini tapacaq”.

Mürtəza

Ölkə.Az