Hərbi ekspert: \"Zakir Həsənov Anjey Kasprşikdən uzaq gəzməlidir\"

"O, vicdanını itirmiş polyak diplomatdır"

"Anjey Kasprşik açıq şəkildə Ermənistana cəsusluq edir. Bunu tam məsuliyyətim ilə deyirəm. Anjey son vaxtlar Ermənistanın xeyrinə cəsusluq etməklə məşğuldur. Bu adam sanki ermənilərdən maliyyə dəstəyi alır və bir hadisə olan kimi dərhal Bakıya erməni havadarlarının ona verdiyi tapşırıqları həyata keçirməyə gəlir".

Bu sözləri Ölkə.az-a hərbi ekspert Üzeyir Cəfərov deyib.

"Fikir verdinizsə, helikopter vurulanda da belə oldu. Ondan sonra başqa məsələdə gecə ilə Bakıya gəlib, sonra Yeravana qayıtdı. O, vicdanını itirmiş polyak diplomatdır. O, azərbaycalı girovlara bir dəfə də olsa, baş çəkib, maraqlanmadı. Xeyr ola, gərginlik olan kimi qaçır bura?

Onu qəbul etdiyinə görə Zakir Həsənovdan çox narazıyam. Ümumiyyətlə, azərbaycanlı rəsmilər buna ilgi göstərməlidirlər. Bu erməni cəsusu bütün diplomatik normaları kənara qoyub, məlumat öyrənməklə məşğuldur. Gördüyü işlər heç onun mandatına da aid deyil.

O ki, qaldı Zakir Həsənovun səsləndirdiyi fikrə, mən hesab edirəm ki, Zakir Həsənov başqa bir şey deyə də bilməzdi. Ümumiyyətlə, Zakir Həsənov bu adamdan uzaq olmalıdır, ondan kənar gəzməlidir. Bu adam açıq şəkildə cəsusluqla məşğuldur".

Xatırladaq ki, aprelin 22-də Azərbaycanın Müdafiə naziri general-polkovnik Zakir Həsənov ATƏT-in fəaliyyətdə olan sədrinin şəxsi nümayəndəsi Anjey Kasprşik ilə görüşüb.

Səxavət Məmməd
Ölkə.az