“Əlikram Hümbətov səviyyəsizin biridir”

Lerikdən olan deputat İqbal Məmmədov bu yaxınlarda Əlikram Hümbətovun qondarma erməni soyqırımı ilə bağlı ermənilərə başsağlığı verməsinə kəskin etirazını bildirib.

Deputat parlamentdə çıxışı zamanı qeyd edib ki, Ə. Hümbətov heç zaman talış xalqının adından danışa bilməz: “Ona heç kim belə bir səlahiyyət verməyib. O adamın siması həm Azərbaycana, həm də talış xalqına məlumdur”.

Millət vəkili İqbal Ağazadə də həmkarının fikirlərini təsdiqləyib və qeyd edib ki, o, Azərbaycan xalqına xəyanət edib. Hazırda bu yöndə də fəaliyyətini davam etdirir. Bu məsələni Xarici işlər Nazirliyi diqqətdə saxlamalı və lazımi addımlar atmalıdır”.

Spiker Oqtay Əsədov millət vəkillərini Ə. Hümbətovla bağlı məsələni gündəmə gətirməkdə qınayıb: “O kimdir ki, onun haqqında burada geniş müzakirə aparılsın? O, səviyyəsizin biridir”./Qafqazinfo/

Ölkə.Az