Fuad Qəhrəmanlı: "Biz bu şərtlər altında mitinq keçirməyəcəyik"
Bununla bağlı Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı Ölkə.az-a açıqlama verib.
Fuad Qəhramanlının sözlərinə görə, may ayının 3-nə təyin edilən mitinqə Bakı Şəhər icra hakimiyyəti heç bir əsas olmadan icazə vermədi.
"Mitinqi mayın 2-də keçirə biləcəyimizi bildiriblər, ancaq bu şərtlər altında mitinq keçirilməyəcək. Bakı Şəhər İcra Hakimiyyətinin qərarı bəhanədir. Biz bütün planlarımızı mayın 3-nə hesablamışdıq", deyə AXCP sədrinin müavini bildirib.
- Bakı Şəhər icra hakimiyyəti nəyi əsas gətirərək mayın 3-də mitinq keçirməyə icazə vermədi?
- Bizə bildirdilər ki, həmin tarixdə başqa bir kütləvi tədbir var. Ona gözə icazə verməyiblər. Ancaq bunun üçün heç bir əsas yox idi, bunlar hamısı bəhanədir.
Səxavət Məmməd
Ölkə.az
