Zakir Həsənov “İDEF-2015” sərgisində
Dünən İstanbulda “İDEF - 2015” Beynəlxalq Müdafiə Sərgisi açılıb. Türkiyənin prezidenti Rəcəb Tayyib Ərdoğan rəsmi açılış mərasimində iştirak edib.
Ölkə.Az xəbər verir ki, dünyanın ən böyük müdafiə sərgisi olan “İDEF-2015” sərgisində dünyanın 46 ölkəsindən 135 nümayəndə heyəti iştirak edir.
Mayın 8-dək davam edəcək sərgidə Azərbaycanın müdafiə naziri Zakir Həsənov da iştirak edir.
Müdafiə Nazirliyinin məlumatına görə, Zakir Həsənovun sərginin keçirildiyi günlərdə bir sıra ikitərəfli görüşlər, o cümlədən Türkiyə Silahlı Qüvvələrinin Quru Qoşunları komandanı ordu generalı Hülusi Akar ilə görüş planlaşdırılıb.
Qeyd edək ki, Azərbaycan sərgidə 184 adda müdafiə sənayesi məhsulunu təqdim edir.
