Politoloq: "Əgər AKP höküməti görsə ki, seçkilərdə uduzacaq, Suriyaya müdaxilə edər"

Suriyada hərbi əməliyyatlara başlamaq üçün Türkiyənin Səudiyyə Ərəbistanı ilə razılaşdığı iddia olunur.

İddiaya görə, Türkiyə və Səudiyyə Ərəbistanı Suriya prezidenti Bəşər Əsədi devirmək üçün müxaliflərə tam dəstək verəcəkləri barədə razılığa gəliblər.

Yayılan bu xəbəri politoloq Fərhad Mehdiyev Ölkə.az-a şərh edib.

Fərhad Mehdiyev: "Bu bir iddiadır. Bunu nə Türkiyənin nə də Səudiyyə Ərəbistanının heç rəsmisi təstiq etməyib. Açıq şəkildə bu iki ölkənin Suriyaya hərbi müdaxilə etmə imkanı kifayət qədər aşağıdır. Suriyaya ancaq hal-hazırda humanitar müdaxilə etmək olar, yəni, Suriyada hümanitar faciə yaşandığı səbəbi ilə BMT Təhlükəsizlik Şurasının qərarı ilə addım atmaq olarq. Ancaq BMT TŞ belə addım atmayacaq. Rusiya bir dəfə buna cəhd etdi, ancaq icazə verilmədi. Suriyaya müdaxilə etməyə legitimlik qazandıran şey BMT-nin Baş Assambleyasında ölkələrin belə bir razılığa gəlməsi və diskollektiv şəkildə ora müdaxilə edilməsi və mülki əhali qorunması ola bilər. Bu da mümkün deyil.

Suriyaya Türkiyə və Səudiyyə Ərəbistanının müdaxilə etməsinin bir yolu da orda döyüşən qruplara silah yardımı etməsidir. Hər kəs bilir ki, hər iki dövlət bunu edir. Suriyanın Səudiyə Ərəbistanı ilə quru sərhəddi yoxdur. Ancaq Suriyanın Türkiyə ilə quru sərhədi var. Türkiyənin Suriyaya müdaxilə etməsi üçün belə bir versiya da ola bilər, Suriyadan hansısa bir qrup Türkiyəyə hücum edir, sərhədi pozur və buna görə də Türkiyə Suriyaya müharibə elan edir. Türkiyə bufer zonası yaratmaq üçün ora girə bilər, ancaq Türkiyənin daxil olacağı Suriyanın şimal hissəsi kürd yaraqlılarının nəzarətindədir. Bu o deməkdir ki, Türkiyənin daxilində də vəziyyət gərginləşəcək. PKK imkan verməz ki, Türkiyə Şimali İraqda bufer zona yaratsın ki, burda suriyalılara sığınacaq verəcəm, suriyalılar ölkəmə axın etməsin. Türkiyənin bu cür planı var idi, ancaq bu plan puça çıxdı.

Kürdlər bu dəfə seçkilərdə AKP-yə səs verməyəcək. Belə olan halda AKP Türkiyədə tək hökümət ola bilməyəcək. Onun koalisiya qura biləcəyi tək partiya HDP ola bilər. Ancaq bunun əvəzində MHP, CHP koalisiyası da ola bilər. Əgər AKP höküməti görsə ki, seçkilərdə uduzacaq, o zaman Türkiyə bu cür macəraya girişə bilər".

Səxavət Məmməd
Ölkə.az