Vyetnam prezidenti Bakıdadır

Vyetnam Sosialist Respublikasının Prezidenti Çıonq Tan Şanq mayın 13-də Azərbaycan Respublikasına rəsmi səfərə gəlib. 

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Vyetnam Prezidenti Çıonq Tan Şanqı və xanımı May Thi Hanı hava limanında Azərbaycanın Baş nazirinin birinci müavini Yaqub Eyyubov və digər rəsmi şəxslər qarşılayıblar.

Ali qonaq aeroportda Vyetnamın Azərbaycanda fəaliyyət göstərən diasporunun üzvləri tərəfindən coşqu ilə qarşılanıb. 

Ölkə.Az