Paşinyan: “Köçəryan 1999-cu ildə Zəngəzur dəhlizini Azərbaycana verməyə hazır idi”

Sabiq prezident Robert Köçəryan hakimiyyəti dövründə 1999-cu ildə Ermənistan Təhlükəsizlik Şurasının iclasında Mehri (Zəngəzur) dəhlizinin Azərbaycana verilməsini müzakirə edib.

“Ölkə.Az” “sputnikarmenia”ya istinadən xəbər verir ki, bu barədə baş nazir əvəzi Nikol Paşinyan Köçəryanın və onun tərəfdarlarının Sünikin (Zəngəzur) Azərbaycana verilməsi ittihamı cavablandırarkən deyib.

[Robert Koçaryandan etiraf: “Biz danışıqların tam hüquqlu tərəfi deyilik”]

Paşinyanın sözlərinə görə, bu gün Köçəryan və onun tərəfdarları bizi Zəngəzuru Azərbaycana  verməkdə ittiham edir, ancaq o yaddan çıxarır ki, Mehri dəhlizinin Azərbaycan verilməsi məsələsini hakimiyyəti dövründə müzakirə edib.

“Əgər inanmırsınızsa, o zaman bu yaxınlarda Karen Dəmirçiyanın dərc olunan memuarlarını oxumaq yetər. İndiki müdafiə naziri Vaqarşak  Arutyunyan 1999-cu ildə keçirilən həmin Təhlükəsizlik Şurasının  iclasının canlı şahididir. Barəmizdə deyilənlər absurddur. Heç kim bizi bununla bağlı ittiham edə bilməz”, - ölkə.az bildirir ki, Paşinyan çıxışında deyib.

[Paşinyan: “Elə qüvvələr var ki, Ermənistanı müharibəyə sürükləyir, buna yol verə bilmərik”]

Köçəryanın rəqibləri onu hakimiyyətinin ilk illərində Laçın dəhlizinin əvəzində Mehri dəhlizinin Azərbaycana verilməsinə hazır olduqlarını bəyan ediblər. 

Mürtəza
Ölkə.Az