Mətn ölçüsü:
  • 100%

Putin güc strukturlarının 56 işçisinə general rütbəsi verdi

Rusiya prezidenti Vladimir Putin hüquq-mühafizə orqanlarının 56 əməkdaşına general rütbəsi verib.

"Ölkə.Az" xəbər verir ki, Daxili İşlər Nazirliyinin iki zabiti ədliyyə və polis general-leytenantı, daha 23 daxili işlər orqanı əməkdaşı polis, daxili xidmət və ədliyyə general-mayoru rütbələrini alıblar. Milli qvardiya qoşunlarının iki zabiti polis general-mayoru, daha dörd nəfər isə general-mayor hərbi rütbəsi alıb. Hərbi prokurorluğun bir əməkdaşı ədliyyə general-mayoru hərbi rütbəsini alıb.

Dövlət Yanğından Mühafizə Xidmətinin dörd əməkdaşı daxili xidmət general-leytenantı, daha 9 nəfər isə general-mayor rütbəsi alıb. Rusiya Federasiyası İstintaq Komitəsinin bir işçisi ədliyyə general-leytenantı, dördü general-mayor, Federal Penitensiar Xidmətin iki işçisi daxili xidmət general-leytenantı və general-mayor rütbələrinə yüksəliblər.