Ceyhun Bayramov və Lavrov Qarabağla bağlı razılaşmaları müzakirə etdilər - YENİLƏNİB
Azərbaycan Xarici İşlər Nazirliyi Azərbaycan və Rusiya xarici siyasət idarələrinin rəhbərlərinin telefon danışığı barədə məlumat yayıb.
XİN-dən "Ölkə.az"a verilən məlumata görə, Ceyhun Bayramov və Sergey Lavrov bölgədə mövcud olan cari vəziyyət, üç ölkənin liderləri tərəfindən imzalanan birgə bəyanatların icrası ilə bağlı məsələlər ətrafında fikir mübadiləsi aparıblar.
Telefon danışığı zamanı həmçinin bölgənin münaqişədən sonrakı mərhələdə inkişafı məsələləri müzakirə edilib və bu xüsusda, üç ölkənin Baş nazirlərinin müavinlərinin rəhbərliyi altında fəaliyyət göstərən üçtərəfli İşçi Qrupunun fəaliyyəti vurğulanıb.
Eyni zamanda tərəflər qarşılıqlı maraq doğuran digər məsələləri müzakirə ediblər.
***
Rusiya xarici işlər naziri Sergey Lavrov Azərbaycan xarici işlər naziri Ceyhun Bayramovla telefonla danışıb.
"Ölkə.Az"ın məlumatına görə, bu barədə Rusiya Xarici İşlər Nazirliyindən xəbər verilib.
Bildirilir ki, onlar Qarabağda humanitar məsələlərin həlli də daxil olmaqla Rusiya, Azərbaycan və Ermənistan liderlərinin əldə etdiyi razılaşmaların həyata keçirilməsini müzakirə edib.
“Rusiya, Azərbaycan və Ermənistan baş nazir müavinlərinin ortaq sədrliyi ilə üçtərəfli İşçi Qrupunun regionun münaqişədən sonrakı inkişafındakı mühüm töhfəsi vurğulanıb”, - deyə açıqlamada əlavə edilib.
