Kelimbetov: Qazaxıstan və Azərbaycan iqtisadi şoklara hazırdır

Postsovet məkanında Qazaxıstan və Azərbaycan iqtisadi şoka hamıdan yaxşı hazırdır, bu barədə Qazaxıstan Respublikasının Milli Bankının rəhbəri Kayrat Kelimbetov bəyan edib.

Onun sözlərinə görə, iqtisadi şoklar, ixracatçı ölkələrin iqtisadiyyatına zərbə vuran neftin qiymətinin ucuzlaşması və Rusiyada yaranan əlverişsiz vəziyyət ilə əlaqəli ola bilər.

Maliyyə tənzimləyicisinin rəhbərinin sözlərinə görə, ölkədə islahatlar aparılır, bu islahatlar xarici çağırışlara qarşı durmağa imkan yaradacaq.

“Rusiyanı istisna etməklə, əvvəlki illərdə aparılan siyasət nəticəsində postsovet məkanında iqtisadi şoklara hamıdan yaxşı hazır ola bilən iki ölkəni qeyd etmək lazımdır, bu, Azərbaycan və Qazaxıstandır. Bu, neft fondlarının, hökumətin ehtiyat fondlarının yaradılmasıdır. Bu, özünəməxsus “təhlükəsizlik yastığı”dır”.

Milli Bankın rəhbərinin sözlərinə görə, iqtisadi şoklar Qazaxıstana gözəçarpacaq zərər vurmayacaq. O əlavə edib ki, ölkədə ilin axırına qədər böhranın inkişaf sürəti 17 faizdən 11 faizə qədər azalacaq.

Bundan başqa, ekspertin məlumatına əsasən, 2015-ci ilin üçüncü və dördüncü rübündə Rusiyada iqtisadiyyatın bərpası prosesi başlanacaq, bu isə bütün postsovet məkanı üçün pozitiv amildir.

Ölkə.Az