Zakir Həsənov gürcü həmkarı ilə danışıq apardı

Azərbaycanın müdafiə naziri Zakir Həsənov və Gürcüstanın müdafiə naziri Tina Xidaşeli arasında telefon danışığı olub.

Gürcü nazir azərbaycanlı həmkarına mayın 19-da Bakıda yaşayış binasında baş vermiş yanğın faciəsi ilə bağlı başsağlığı verib.

Zakir Həsənov Tina Xidaşelini müdafiə naziri postuna təyin olunması münasibətilə təbrik edib və ona uğurlar arzu edib.

Danışıq zamanı Gürcüstan və Azərbaycanın müdafiə nazirləri ikitərəfli əməkdaşlıq məsələlərini müzakirə ediblər.

Onlar həmçinin Gürcüstan, Azərbaycan və Türkiyə arasında üçtərəfli hərbi əməkdaşlıq məsələsinə də toxunublar.

Telefon danışığı zamanl ölkələr arasında dostluq əlaqələri və uğurlu əməkdaşlıq xüsusi olaraq vurğulanıb.

Nazirlər ümidvar olduqlarını bildiriblər ki, Gürücstan və Azərbaycan arasında əməkdaşlıq gələcəkdə də davam edəcək və güclənəcək.

Telefon danışığının sonunda Gürcüstanın müdafiə naziri azərbaycanlı həmkarını 26-28 iyun tarixində Batumidə keçiriləcək Müdafiə və Təhlükəsizlik konfransına dəvət edib.

Zakir Həsənov öz növbəsində gürcü həmkarını Bakıda keçiriləcək I Avropa Oyunlarına dəvət edib.oxu.az

Ölkə.Az