Almaniya kansleri: Azərbaycanın mövqeyinə hörmət edirik

Avropa İttifaqı “Şərq tərəfdaşlığı” proqramına üzv olan hər bir dövlətin Aİ ilə əməkdaşlığı saxlayaraq, şəxsi inkişaf yollarını axtarması hüququna hörmət edir, Almaniya kansleri Angela Merkel bəyan edib.

“Biz Aİ ilə intensiv danışıqlardan başqa Rusiya, Avrasiya İqtisadi İttifaqı ilə sıx iqtisadi əməkdaşlıq axtaran Ermənistanın qərarına hörmət edirik. Biz həmçinin hələlik Aİ-yə üzvlüyə yol axtarmayan və özünü Avrasiya İqtisadi İttifaqında görməyən Azərbaycanın mövqeyinə də hörmət edirik. Biz həmçinin açıq-aşkar ziddiyətlərə baxmayaraq, Belarusla da ikitərəfli əməkdaşlığı davam etdirməyə hazırıq”, - deyə, kansler Riqada “Şərq tərəfdaşlığının” sammitinə getməzdən əvvəl parlamentdə çıxışı zamanı bildirib.

“Şərq tərəfdaşlığı” proqramı Avropa İttifaqının Azərbaycan, Ermənistan, Belarus, Gürcüstan, Moldova və Ukrayna ilə siyasi assosiasiyası və iqtisadi inteqrasiyasını nəzərdə tutur. Son üç ölkə ötən il Aİ ilə assosiasiya tərəfdaşlığı haqqında saziş imzalayıblar.oxu.az

Ölkə.Az