Rusiyadan Bakının bütün maraqlarının nəzərə alınması istənilib - ŞƏRH

"Əminik ki, Moskvada Rusiya prezidentindən Bakının maraqlarının nəzərə alınması istənilib". 

Ölkə.Az xəbər verir ki, bunu politoloq Zaur Məmmədov Azərbaycan Prezidenti İlham Əliyev və Rusiya Prezidenti Vladimir Putin arasında Moskvada baş tutan görüşü şərh edərkən deyib.

"Rusiya başa düşməlidir ki, öz maraqlarını həyata keçirmək üçün bundan sonra mütləq şəkildə bir tərəfin - obyektiv və ədalətin, beynəlxalq hüququn yanında olan Azərbaycanın maraqlarını nəzərə almalıdır", - o bildirib.

Politoloq Turab Rzayev isə görüş zamanı Prezident İlham Əliyevin 3 dəfədən çox münaqişənin bitməsini söyləməsinə diqqət çəkib:

"Bununla dövlət başçısı açıq-aydın mesaj verdi ki, müharibə bizim üçün sonlanıb və bizim qələbəmizlə yekunlaşıb. Sülh bəyanatının şərtləri müzakirə oluna bilməz. Biz müharibəni bitmiş sayırıq. Sülh bəyanatı yekun sənəd şəklini almalıdır. Sülh müqaviləsi imzalanlamalıdır və qeyd-şərtsiz yerinə yetirilməlidir".