İlham Əliyev Polşanın yeni prezidentini təbrik etdi

Azərbaycan prezidenti İlham Əliyev Polşa Respublikasının yeni seçilmiş prezidenti Andjey Dudanı təbrik edib.

Ölkə.Az AZƏRTAC-a istinadla xəbər verir ki, prezidentin təbrik məktubunda deyilir:

“Polşa Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm.

Biz Azərbaycan ilə Polşa arasındakı münasibətlərə böyük əhəmiyyət veririk. Ümidvaram ki, dostluq əlaqələrimizin daha da möhkəmləndirilməsi, ikitərəfli və çoxtərəfli qaydada əməkdaşlığımızın müvəffəqiyyətlə davam etdirilməsi üçün birgə səylər göstərəcəyik.

Sizə möhkəm cansağlığı, xoşbəxtlik, dost Polşa xalqının rifahı naminə qarşıdakı fəaliyyətinizdə uğurlar arzulayıram.

Ölkə.Az