Fazil Mustafa: “Prezident Qarabağla bağlı Azərbaycanın mövqeyini açıq şəkildə dünyaya çatdırdı”

Prezident İlham Əliyev BMT Baş Assambleyasının çıxışı həm Azərbaycan-Ermənisan münaqişısi ilə bağlı məsələni, həm də bölgənin gələcək perspektivləri tərəfləri anlaşılacaq formada mövqeyini beynəlxalq aləmin diqqətinə çatdırması baxımından uğurlu idi.

Bunu “Ölkə.Az”a açıqlamasında deputat Fazil Mustafa deyib.

Onun sözlərinə görə, Azərbayacan bölgədəki prosesləri artıq yeni obrazda təzimləmək niyyətindədir.

“Qələbədən sonra yaranmış reallıqların beynəlxalq aləm tərəfindən başa düşülməsi vacib məsələlərdən biridir. Çünki bölgədə sülhə mane olmaq istəməyən qüvvələr mövcuddur.  Amma onların bu hərəkətləri boşuna çapalamlardır. Bölgədəki proseslər Azərbaycanın istəyinə uyğun şəkildə həyata keçirilir. Kimsə proseslərə təsir edə bilməz”, - deputat qeyd edib.

O əlavə edib ki, dövlət başçısı çıxışında Qarabağ münaqişəsi ilə çox aydın mesajlar verdi: “Prezident Qarabağla bağlı Azərbaycanın mövqeyini açıq şəkildə dünyaya çatdırdı və bildirdi ki, artıq Qarabağ münaqişəsi həll olunduğundan, Dağlıq Qarabağ adlı çoğrafi məkan da yoxdur. Ona görə də kimlərsə bundan siyasi manipulyasiya vasitəsi kimi istifadə etməsin. Bu mesajlar Azərbaycana təzyiqlərin azalması baxımından faydalıdır. Hesab edirəm ki, Prezidentin səsləndirdiyi fikirlər gələcəkdə öz əksini tapacaq. Artıq reallığı qəbul  edən ölkələr çoxdur”.

Ermənistanın silahlandırılması ilə bağlı məsələyə toxunan deputat qeyd edib ki, bu ölkələr 44 günlük müharibənin acı aqibətindən nəticə çıxarmalıdırlar: “Prezident bununla da bağlı mövqeyini açıq şəkildə izah etdi və bu çıxışın təsiri olacaq”.

Mürtəza
Ölkə.Az