Lavrov Qarabağla bağlı \"yeni razılaşma\"dan danışdı

Keçən il Qarabağla bağlı üçtərəfli razılaşmanın əsas nəticəsi sabitlikdir. 

“Ölkə.Az” TASS-a istinadən xəbər verir ki, bunu Rusiyanın xarici işlər naziri Sergey Lavrov deyib . 

“9 Noyabr 2020-ci ildən bu yana keçən təxminən bir ilin əsas nəticəsi sabitliyin qurulması, qorunması və Rusiya sülhməramlı kontingentinin hazırda heç bir zorakı hərəkətin baş verməməsinə töhfə verməsidir. İlkin mərhələdə olan kiçik hadisələr tez bir zamanda aradan qaldırıldı. Bir daha vurğulamaq istərdim: oradakı vəziyyət hazırda sabitdir, baxmayaraq ki, bir çox problem var”, - Lavrov bildirib.

O, həmçinin qeyd edib ki, ATƏT-in Minsk Qrupu həmsədrləri Nyu-Yorkda Bakı və İrəvanla Qarabağa iş səfərlərinin bərpası barədə razılığa gəliblər.

“Rusiya, ABŞ və Fransadan olan üç həmsədr Nyu-Yorkda Azərbaycan və Ermənistan xarici işlər nazirləri ilə görüşüb. Anladığım qədər onlar Qarabağa  ziyarət etmək və Xankəndidə görüşlər də daxil olmaqla, Ermənistan, Azərbaycan nümayəndələri ilə  görüş keçirmək üçün bölgəyə səfərləri bərpa etmək barədə razılıq əldə ediblər”, - Lavrov qeyd edib.

Mürtəza
Ölkə.Az