Rusiyalı ekspert: “Türkiyə-Azərbaycan-Pakistan-Qətər arasında güclü hərbi-siyasi və iqtisadi ittifaq yaradılır”
“Ölkə.Az” xəbər verir ki, bu fikri rusiyalı şərqşünas ekspert Mixail Maqid “rosbalt”a müsahibəsində deyib.
Azərbaycan-Türkiyə-Pakistan hərbi əməkdaşlığı ilə bağlı sualı cavablandıran ekspert deyib ki, hazırda bu ittifaqın Əfqanıstanda, Orta Asiyada və Yaxın Şərqdə maraqları var: "Pakistan uzun müddətdir Azərbaycanı fəal şəkildə dəstəkləyir. İndiyə qədər bu dəstək şifahi idi, amma bu gün İslamabad Ankaraya yaxınlaşır, pakistanlılar Türkiyə və Azərbaycan qoşunları ilə birgə manevrlər edirlər. Öz növbəsində, Türkiyə Kəşmir müsəlmanlarını dəstəkləmək üçün bəyanatlar verir və Talibanla danışarkən Pakistana kömək və vasitəçilik üçün müraciət edir. Əfqanıstanda möhkəmlənməyi və Orta Asiya ölkələrində təsir gücünü artırmaq üçün istifadə etməyi gözləyir. Bu qarşılıqlı faydalı bir mübadilədir”.
Mürtəza
Ölkə.Az