Putin yenidən prezident olmaq istəmir? - Müammalı açıqlama
Rusiya Prezidenti Vladimir Putin 2024 -cü ildə əsas dövlət postuna namizəd olub-olmayacağına hələ qərar vermədiyini etiraf edib.
“Ölkə.Az” xəbər verir ki, bunu Putin “Rossiya-24” telekanalına müsahibəsində deyib.
“Bəli, (Rusiya) konstitusiyası növbəti müddətə namizəd olmağa imkan verir, lakin bununla bağlı hələ qərar verilməyib”, - Putin bildirib.
Rusiya prezidentinin varisi haqqında düşünüb -düşünmədiyi sualına Putin belə cavab verib: “Xeyr, bu cür suallara cavab verməməyi üstün tuturam, bu mənim ənənəvi cavabımdır. Növbəti seçkilərə hələ çox vaxt var. Bu mövzuda söhbətlər sabitliyi pozmağa xidmət edir”- Putin izah edib.
Onun fikrincə, vəziyyət sakit, sabit olmalıdır ki, bütün hökumət orqanları, bütün dövlət strukturları inamla işləsin, sakitcə gələcəyə baxsın.
Mürtəza
Ölkə.Az