Bu gün beynəlxalq məhkəmədə Azərbaycanın Ermənistana qarşı iddiası üzrə dinləmə keçiriləcək - YENİLƏNİB

BMT-nin Beynəlxalq Ədalət Məhkəməsində Azərbaycanın “İrqi ayrı-seçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə Ermənistana qarşı qaldırdığı iddia üzrə dinləmələr başlayıb.  

Ölkə.az xəbər verir ki, açıq dinləmələr 2 gün davam edəcək. 

COVID-19 pandemiyası səbəbindən dinləmələr videofarmatda keçirilir.

Beynəlxalq Ədalət Məhkəməsinin bəzi hakimləri şəxsən Böyük ədalət zalında keçirilən dinləmələrdə iştirak etsələr də, bəzi üzvlər videoəlaqə vasitəsilə prosesə qoşulublar. 

Tərəflərin nümayəndələri də şəxsən və ya viddeoəlaqə vasitəsilə dinləmələrə qoşulublar.

Dinləmələr davam edir. 

***
Bu gün Beynəlxalq Ədalət Məhkəməsində Azərbaycanın “İrqi ayrı-seçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə Ermənistana qarşı qaldırdığı iddiası ilə bağlı dinləmələr keçiriləcək.

Bu barədə "Ölkə.Az"a Azərbaycan Xarici İşlər Nazirliyindən məlumat verilib.

Dinləmə yerli saatla 12.00-da bu səhifədən canlı yayımlanacaq.