Mətn ölçüsü:
  • 100%

Deputat: “Qarabağın azad olunması Prezident İlham Əliyev siyasətinin şah əsəridir”

Azərbaycan müsətqilliyinin bərpasından keçən 30 il ərzində qarşısında duran bütün hədəfləri və çətinlikləri həll edərək, dünyanın ən nüfuzlu ölkələrindən birinə çevrildi.

Bunu “Ölkə.Az”a açıqlamasında deputat İqbal Məmədov deyib.

Onun sözlərinə görə, müstəqilliyin ilk illərdən ölkəmiz yenidən dövlətçiliyini itirmək təhlükəsi ilə üzləşdi. “Ancaq Ulu öndər Heydər Əliyev hakimiyyətə yenidən dönüşü ilə  qısa zaman ərzində bütün bu çətinliklərin, ölkəmizə qarşı yönələn təhdidləri aradan qaldırıb, siyasi, iqtisadi cəhətdən sabit ölkəyə çevirə bildi. Azərbaycan inkişaf  mərhələsinə qədəm qoydu. 2003-cü ildə isə Ulu öndər Heydər Əliyevin siyasi kursunun layiqli davamçısı  Azərbaycana rəhbərliyə gəlməsindən sonra ölkəmizdə inkişaıfn yeni bir sıçrayışlı inkişaf erası başlandı. Cənab İlham Əliyevin rəhbərliyi altında həyata keçirilən genişmiqyaslı islahatlar nəticəsində Azərbaycan hərtərfəli inkişaf etdi.  Cənab Prezident  İlham Əliyev müasir dünyaya Azərbaycanın inkişaf modelini təqdim etdi. Ulu öndər Heydər Əliyev cənab İlham Əliyevdə ən çətin problemlərin həllinin öhdəsindən gəlmək qabliyyətini gördüyündən 2003-cü ilin oktyabrın 1-də Azərbaycan xalqına müraciətində deyirdi: “Üzümü Sizə - həmvətənlərimə tutaraq, qarşıdan gələn Prezident seçkilərində Prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir.

Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”. Və zaman bir daha Ulu öndərin nə  qədər uzaqgörən bir lider olduğunu sübut etdi. Cənab Prezident İlham Əliyevin rəhbərliyi altında Azərbayan iqtisadi, ordu cəhətdən dünyanın ən güclü və qüdrətli, eyni zamanda beynəlxalq münasibətlər sistemində nüfuzlu, hamı tərəfindən hörmət edilən layiqli yerini tutan bir dövlətə çevrildi”- deputat qeyd edib.

 Deputat əlavə edib ki, Azərbaycan kimi  böyük güclərin maraqlarının toqquşduğu çox mürəkkəb geocoğrafi məkanda  yerləşən bir ölkəni  qalib bir mövqeyə ancaq və ancaq  liderlik fenomeni olan şəxs edə bilərdi: “Azərbaycan Prezident İlham Əliyevin liderlik fenomeni nəticəsində bütün bu, uğurlara imza ata bildi. Ona görə də bu gün cənab İlham Əliyev  beynəlxalq aləmdə müasir dövrün yeni lideri kimi qəbul edilir və ona hörmət olunur.  Məhz belə bir liderlik fenomeni nəticəsində milli maraqlara söykənərək, müasir dünyanın siyasi oyun qaydalarına əsaslanaraq  xalqa verdiyi vədləri bütünlüklə yerinə yetirdi.  Azərbaycanın bir nömrəli problemi olan Qarabağ münaqişəsi həll olunaraq ərazi bütövlüyü  bərpa olundu.
 2020-ci ildə Müzəffər Ali Baş Komandan İlham Əliyevin komandanlığı altında qəhrəman ordumuz düşmən üzərində möhtəşəm qələbə çaldıqdan sonra Azərbaycan  dövlətçiik tarixində yeni bir mərhələyə qədəm qoydu.  

 Prezident İlham Əliyevin uzaqgörən siyasətinin məqsədi Azərbaycanın hərtərəfli inkişafı, xalqımızın firavan həyatı, ölkənin 30 ilə yaxındır ki, pozulmuş ərazi bütövlüyünün bərpası idi. Buna görə hər bir atılan addım Azərbaycanı Qarabağın azadlığına yaxınlaşdırırdı. Bütün istiqamətlərdə qazanılan uğurların, əldə edilən nailiyyətlərin bir hədəfi var idi. Bu da ondan ibarət idi ki, işğal altında olan torpaqlarımızın düşməndən azad edilməsi və Azərbaycanın bütün sərhədləri boyunca bayrağımızın dalğalanması. 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatdı. Müzəffər Ali Baş Komandan İlham Əliyev Prezident kimi 17 illik gərgin əməyinin nəticəsində Azərbaycanı ərazi bütövlüyünə qovuşdurdu, xalqımızı dünyada mübariz, döyüşkən və müzəffər xalq kimi tanıtdı.

Bu qələbə isə müstəqillik tariximizin ən paraq səhifəsidir. Azərbaycan  imüstəqilliyinin bərpa etdikdən sorna ilk  qələbə əldə etmiş ölkə kimi qeyd edir. 30 illik yubleyimiz dünyada bir müzəffər xalq kimi qələbə fonunda keçirilir. Bu Böyük Qələbə isə uzun illər ərzində davam edən hazırlıq işlərinin, habelə dövlətin qüdrətinin artırılması istiqamətində atılan addımların nəticəsidir. Effektiv siyasət, xalqın dəstəyi və tarixi ədalət Azərbaycanı Qalib ölkəyə çevirdi. Ərazi bütövlüyümüzün bərpa olunması Prezident İlham Əliyevin siyasətinin şah əsəridir. İndi dünyada Azərbaycan başqa bir hörmət və izzət var. Azərbaycanın beynəlxalq aləmdəki mövqeyi və nüfusu daha da artıb. 

Hazırda  isə əsas hədəf  Qarabağın bərpası və Böyük Qayıdış strategiyasının həyata keçməsidir. Müzəffər Ali Baş Komandan İlham Əliyevin indi böyük dövlət xadimi və Azərbaycan xalqının lideri kimi əsas missiyası dövlətin və xalqın gücü ilə düşmənin viran qoyduğu işğaldan azad edilən şəhər və kəndlərimizin yenidən qurulması, öz yurd-yuvalarından didərgin düşən soydaşlarımızın evlərinə qaytarılmasıdır. Bu qayıdış Böyük Qayıdış olmaqla təkcə azərbaycanlıların Qarabağa deyil, vaxtilə deportasiya edildikləri bütün tarixi torpaqlarına qayıdışını əhatə edəcəkdir. İndi Müzəffər Ali Baş Komandan, Prezident İlham Əliyevin böyük uzaqgörənliklə qurduğu strategiya Azərbaycan dövlətini daha qüdrətli, Azərbaycan xalqını daha güclü, Azərbaycan bayrağını daha uca etməyə hədəflənib. Böyük Qələbənin nəticəsində yaradılmış yeni reallıq Qarabağın bərpası və inkişafını nəzərdə tutan Böyük Qayıdış strategiyasının tükənməz aktuallığını təmin edir. Sözügedən strategiya yeni infrastrukturun yaradılması ilə yanaşı, işğaldan azad olunmuş ərazilərin ümumən regionun yeni inkişaf modelinə çevirməkdən ibarətdir. Belə ki, layihələndirmə işlərində tətbiq olunan yeniliklərin bir çox dövlətlər üçün nümunəvi model kimi qəbul olunması və məsələ ilə bağlı səslənən beynəlxalq etiraflar Qayıdış strategiyasının effektivliyi və perspektivliyi haqqında xəbər verir”.

Mürtəza
Ölkə.Az