Şimali Kipr Türk Cümhuriyyətinin prezidenti Ersin Tatar Polad Həşimovdan danışdı
“Azərbaycanın Qarabağdakı zəfəri, bizlərin də zəfərimizdir”
“Ölkə.Az” xəbər verir ki, bu fikri Şimali Kipr Türk Cümhuriyyətinin prezidenti Ersin Tatar İstanbulda Türk Şurası Media Forumunda çıxışı zamanı deyib.
“Az öncə burada Azərbaycan Prezidentinin köməkçisi, dəyərli dostum Hikmət Hacıyevin çıxışını diqqətlə dinlədim. Odur ki mən də buradan bir daha Qarabağda əldə edilən zəfərlə bağlı Azərbaycan xalqını təbrik edirəm və onlara uğurlar arzulayıram. Onların zəfəri bizlərin də zəfəridir”, - Ersin Tatar bəyan edib.
O əlavə edib ki, Hikmət Hacıyev burada çağdaş dövrümüzdə Qarabağda törədilənlərlə bağlı dedikləri heç cür qəbul edilə bilməz və edilmədi də: “Və nəticə etibarilə bizlərin də qəlbdən etdiyimiz dualarla, Türkiyə və cənab Prezident Ərdoğanın dəstəyi ilə Qarabağda zəfər çalındı. Bu zəfər burada hamımızın zəfəri olduğundan hamınızı bir daha təbrk edirəm”, - KKTC prezidenti deyib.
Ersin Tatar onuda bildirib ki, oktyabrın 21-də Ankarada EkoAvrasiya təşkilatının dəstəyi ilə azərbaycanlı şəhid general Polad Həşimovun anasına mükafat verilib: “Mən şəhid anasının göz yaşlarını gördüm və bu göz yaşları məni illər öncə Kiprdə türklərin başına gətirilən acıları xatırlatdı. Odur ki bir olmalıyıq. Bir olarıqsa, güclü olarıq. Bu baxımdan Türk Şurasının daha da güclənməsinə ehtiyac var”.
Mürtəza
Ölkə.Az